မြရိပ်ညို '' ဆိုတာ ခြံကျယ်ကြီးနဲ့ တိုက်အိမ်ကြီး

( အပိုင်း ၁ )
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

'' မြရိပ်ညို '' ဆိုတာ ခြံကျယ်ကြီးနဲ့ တိုက်အိမ်ကြီးရဲ့နာမည်

အတန်တန်ငြင်းနေသည့်ကြားမှ ဒီအိမ်ကြီးဆီသို့ ကျွန်မတို့ရောက်လာခဲ့ရပြီ

မေမေဆုံးတာ ၂ နှစ်ပြည့်တဲ့နေ့မှာပဲ ဒယ်ဒီက မိန်းမတစ်ယောက်ခေါ်လာပြီး အိမ်ထောင်သစ်ထူထောင်ခဲ့တယ် အိမ်မှာ ၁ ပတ်ပြည့်အောင်ဘယ်တော့မှမနေတတ်တဲ့ ဒယ်ဒီရဲ့နောက်အိမ်ထောင်ပြုရတဲ့ အကြောင်းပြချက်က ကျွန်မနဲ့ ကျွန်မညီမလေးအတွက်အုပ်ထိန်းသူလို လို့ပါတဲ့

ကျွန်မအသက်က ၂၀ ညီမလေးက ၁၅ နှစ်

''သမီးတို့အတွက်အုပ်ထိန်းသူမလိုပါဘူး ''ထား'' ကိုသမီးစောင့်ရှောက်မှာပါ ''

''အခုစောင့်ရှောက်နိုင်ပြီလို့ သမီးအာမခံလား ဒယ်ဒီ့အရိပ်မှာနေတာထက် သမီးအရိပ်မှာနေတာ ထား အတွက်ပို လုံခြုံပြီလို့သမီးထင်လား ''

''သမီးကိုယ့်ခြေထောက်ပေါ် ကိုယ်ရပ်နိုင်တော့မှ ထား ကိုစောင့်ရှောက်မယ် သမီးတို့ဘာသာ နေမယ်ဆိုလည်းဒယ်ဒီခွင့်ပြုမယ် ခုတော့ ဒယ်ဒီနေခိုင်းသလိုနေပါ ''

ဒယ်ဒီပြောတာလည်းမှန်နေသည် ထား ကိုစောင့်ရှောက်ပါမယ် လို့ မေမေမဆုံးခင်က ကတိတွေအထပ် ထပ်ပေးခဲ့ပေမယ် လက်တွေ့မှာတော့ ကိုယ့်ကိုကိုယ်တောင်မစောင့်ရှောက်နိုင်သေးတဲ့ကျွန်မ ထားအတွက် အစ်မကောင်းတစ်ယောက်အဖြစ် အနားမှာရှိနိုင်ဖို့ပဲကြိုးစားရမယ်

'' သမီးထမင်းစားတော့မလား ''

မိထွေးရဲ့အသံ သူကတော့ ကျွန်မတို့အပေါ်ကောင်းနေပါသည် ဒါပေမယ့် အဲ့ဒါ မင်းသားခေါင်းဆောင်းထားတာလည်းဖြစ်နိုင်တာပဲလေ

''မေမေကလွဲလို့ တခြားသူသမီးလို့ခေါ်တာမကြိုက်ဘူး အန်တီ ဖြိုးလို့ပဲ ခေါ်ပါ ပြီးတော့ ဖြိုးတို့အတွက် အစ စ အရာ ရာ ဂရုစိုက်ပေးဖို့မလိုပါဘူး အိမ်မှာ အရင်ထဲက အိမ်အကူတွေရှိပါတယ် ''

''ဖြိုးတို့ အဖေက ဂရုစိုက်ပေးဖို့မှာထားလို့ပါ ''

''အပိုတွေ '' လို့စိတ်ထဲကပဲပြောလိုက်ပါသည် ပြောနေရင် ဆုံးမစကားတွေနဲ့ အရစ်ရှည်နေအုံးမယ်
ဒယ်ဒီသာ တကယ်ဂရုစိုက်ရင်မေမေ ဆုံးတာ ၂နှစ်ပဲရှိသေးတာကို နောက်အိမ်ထောင်ပြုစရာ မရှိ

မေမေဆုံးတာနဲ့နောက်အိမ်ထောင် ထပ်ပြုလိုက်လို့ဆိုပြီး ဒယ်ဒီ့အဖေ အဘိုးက ဒယ်ဒီရမည့်အမွေများအား ကျွန်မနဲ့ထားအတွက် တိုက်ရိုက်ခွဲပေးမယ်လို့ပြောခဲ့သည်လေ ဒယ်ဒီ့မှာက ညီအကို ၂ ယောက်ပဲရှိတာ ကျွန်မတို့အဘိုးဆီက ရမယ့်အမွေတွေကမနည်း

ကျွန်မအသက် ၂၀ ပြည့်တဲ့နေ့မှပေးမယ် ဆိုပြီးအဘိုးကပြောဖူးသည် အဲ့ဒီအချိန်ထိ သည်းခံနေရဦးမည်

ဒယ်ဒီခရီးတစ်ခေါက်ထွက်ပြီးပြန်လာတော့ ဘာမပြောညာမပြောနဲ့အိမ်ပြောင်းမယ်တဲ့

''ဘာဖြစ်လို့ပြောင်းမှာလည်းဒယ်ဒီ ''

''သမီးအမေရဲ့ အငွေ့အသက်တွေရှိနေတဲ့ ဒီအိမ်ကြီးမှာ ဒယ်ဒီမနေချင်ဘူး နေရာတိုင်းသမီးအမေရဲ့ပုံရိပ်တွေပဲမြင်ယောင်နေတယ် ''

''ဒယ်ဒီ ဒီအိမ်မှာ ဘယ်န်ရက်နေလို့လည်း အမြဲတမ်း ခရီးပဲထွက်နေတာပဲဟာ ''

''ဒီ အိမ်ကသမီးအတွက်ပါပဲ ဖြိုး နောက် သမီးကိုပေးမှာပါ အခုတော့ ဒယ်ဒီနဲ့ပဲ လိုက်နေပါ ဒယ်ဒီတောင်းဆိုတာ ''

ဒီလိုနဲ့ ပဲ မြ ရိပ်ညို အိမ်ကြီးဆီလို့ရောက်လာခဲ့ရသည် အရင်အိမ်လောက်မကြီးပေမယ် သိပ်လည်းမသေးလှပါ နှစ်ထပ်အပြင် အပေါ်မှာ လသာဆောင်တစ်ခုပါသေးသည် အိမ်ကြီးကတော်တော်မြင့်သည်

''ထား'' ကတော့ပျော်နေသည် သူကတော့ဘာမှအပူပင်မရှိ ပကတိ ကလေးလေး တစ်ယောက်လို

ဒယ်ဒီတစ်ယောက် အိမ်ပြောင်းရွေ့ပြီး စက်ရုံ ကို သွားပြန်သည် ခါတိုင်းထက်အိမ်မှာနေတဲ့ရက်က ပိုများနေသဖြင့် ထားတစ်ယောက်ပျော်နေသည် အပေါ်ထပ်က အခန်းတစ်ခန်း စီ ယူထားလိုက်ကြသည်

အိမ်အကူ အဒေါ်ကြီး နှစ်ယောက်က အိမ်အောက်ထပ်မှာ ဒယ်ဒီတို့လင်မယားလည်းအပေါ်ထပ်မှာ

ကျွန်မလည်းဟိုဟို ဒီဒီတွေးရင်း အိပ်မပျော်နိုင် အိပ်နေရာက ကောက်ထပြီး ထားအခန်းဘက်လာခဲ့သည် အခန်းထဲဝင်မယ်လုပ်တုန်း လှေကားဘက်က ရိပ်ကနဲတွေ့လိုက်သည် မိန်းမတစ်ယောက်ညဝတ်အင်္ကျီနဲ့မို့ မိထွေးဆိုတာ သိလိုက် သည် လိုက်ကြည့်မနေတော့ သူ့ဟာသူဘာလုပ်လုပ် သည် အချိန်ကြီး

အခန်းထဲဝင်လာခဲ့တော့ ထား တစ်ယောက်မအိပ်သေး
''ဒေါ်ထားထားဦး အခုထိ မအိပ်သေးဘူးကြည့်စမ်း''

''အိပ်မပျော်ဘူး တစ်ယောက်ထဲမို့ ''

''အဲ့ဒါများ မမကိုလာခေါ်ပြီးရော ''

''မမ အိပ်နေပြီထင်တာ ''

''အိပ်သေးပါဘူး ''

အဲ့ဒီလိုနဲ့ ညီအစ်မ နှစ်ယောက် စကားတပြောပြောနဲ့ ထားတစ်ယောက်အိပ်ပျော်သွားတော့သည်

နောက်တစ်နေ့မနက်
ကျွန်မသူငယ်ချင်းများ အိမ်သို့ရောက်လာကြသည်

''ဖြိုးရေ ငါတို့ အင်းလေး သွားလည်ရအောင် နောက်ပိုင်းသူငယ်ချင်းတွေအတူတူသွားဖြစ်တော့မှာ မဟုတ်ဘူး နိုင်ငံခြားသွားမယ့်လူတွေချည်း ''

''ငါမလိုက်တော့ပါဘူး ဟာ ငါသွားရင်''ထား''တစ်ယောက်ထဲ''

''လိုက်သွားပါ သမီး ဒယ်ဒီလည်းအိမ်မှာ ပဲရှိနေမှာ ကို သမီးအန်တီလည်းရှိတာပဲ သွားလိုက်နောက်ဘယ်တော့မှ သွားဖြစ်မယ်မသိဘူး''

''ဟုတ်တယ် မမရဲ့နောက်မှ ထား နဲ့အတူတူသွားမယ် ခုတော့လိုက်သွားပေါ့ ''

ထားကတောင်လိုလို လားလား ဒယ်ဒီကလည်းရှိနေဦးမည် အများဆုံးကြာ ၄ /၅ ရက်ပေါ့ သူငယ်ချင်းတွေကလည်းအတင်းခေါ်နေကြတော့ လိုက်သွားမယ် ဆိုပြီးဆုံးဖြတ်လိုက်တယ်

အိမ်ပေါ်တက်ပြီးတော့ အထုပ် အပိုးတွေပြင်နေစဉ် ထားတစ်ယောက်ဘေးကနေ လိုချင်တာတွေပူဆာနေတော့သည်

''မမ ထားကို ရှမ်း ဝတ်စုံ လှလှလေးဝယ်ခဲ့ပေးပါ လွယ်အိတ်ကော ငွေခါးပတ်လေးရော နော်နော် ''

''ဟုတ်ပါပြီ ထားရဲ့ အများကြီးး ဝယ်လာခဲ့ပေးမယ် ဟုတ်ပြီလား ''

ထားတစ်ယောက်ပျော်နေသည်

''ထား ကိုစိတ်မချဘူး ''

''ဒယ်ဒီလည်းရှိတာ ကိုမမကလည်း စိတ်ပူပါနဲ့ အေးဆေးသွား''

သူငယ်ချင်းတွေနဲ့ လိုက်လာရတော့ စိတ်ထဲပေါ့ပါးသွားသည်

နောက်တရက် အင်းလေးရောက်တော့ လက်ဆောင်တွေအများကြီးဝယ်နေတဲ့ ဖြိုးကိုကြည့်ပြီး သူငယ်ချင်းတွေက ရီနေကြသည် အထုပ်ကြီးအထုပ်ငယ်မနိုင်မနင်းနဲ့ ဝိုင်းကူသည်ရင်း

''ဖြိုး ရယ်ပြန်များရောင်းမလို့လား ''

ထိုအချိန် ကျွန်မဆီ ဖုန်းဝင်လာခဲ့သည် ဒယ်ဒီ့ဖုန်းနံပါတ်

''ဟယ်လို သမီး အိမ်ပြန်လာခဲ့တော့ ''

''ရှင် ဘာဖြစ်လို့လဲ ဒယ်ဒီ''

''ထား မရှိတော့ဘူး ထားဆုံးပြီ ''

မိုက်ခနဲဖြစ်သွားသည် ဘာရယ် ထားဆုံးပြီ မဖြစ်နိုင်တာ ထားကိုမတွေ့တာ ၂ ရက်ပဲရှိသေးသည်

''ဒယ်ဒီ ဘာတွေပြောနေတာလည်း သမီးညီမလေးက ဘာလို့ ဆုံးရမှာလည်း ''

''စိတ်အေးအေးထားပါ သမီး အရင်ဆုံးအိမ်ပြန်လာ ခဲ့ ''

ကျွန်မလည်း ရရာကားဖြင့်အိမ်ပြန်မယ်လုပ်တော့ သူငယ်ချင်းတွေက သူတို့လည်းမလည်တော့ဘူးပြန်လိုက်ပို့မယ်ဆိုပြီးပြန်ခဲ့ကြသည် ကားကအရှိန်ပြင်းပြင်းမောင်းနေသော်လည်း ကျွန်မစိတ်ထဲမရောက်နိုင်တော့သလို နှေးကွေးနေသည် မနက် ပိုင်းကထွက်လာတာ ညနေ ၃ နာရီလောက်အိမ်ပြန်ရောက်သည်

ကျွန်မစိတ်တွေအရမ်းစောနေခဲ့သည် အိမ်ထဲရောက်တော့ ကားတောင်မရပ်ရသေးပြေးဆင်းလိုက်သည် ဒယ်ဒီကတော့ အိမ်ရှေ့တံခါးမှာစောင့်လို့ ရဲနှစ်ယောက် သုံးယောက်လည်းတွေ့သည် ကျွန်မအိမ်ထဲပြေးဝင်မယ် လုပ်တော့ ဒယ်ဒီကလှမ်းဆွဲလိုက်သည်

''ထား ဒီမှာမဟုတ်ဘူး ဆေးရုံမှာ ''

ဒယ်ဒီကို ဘာမှ ပြန်မပြောမိ

''ဆေးရုံသွားမယ''်

ကျွန်မဆေးရုံရောက်တော့ အရေးပေါ်ခန်းဘက်အပြေးအလွား သွားမယ်လုပ်တော့

''ဖြိုး ''

''ထား ကဒီဘက်မှာ ''

ဒယ်ဒီ အသံ ဒယ်ဒီပြတဲ့နေရာကိုလိုက်ကြည့်တော့ ရင်ခွဲရုံ

ကျွန်မအခုထိ မယုံနိုင်သေးပါ ထား ကို ကျွန်မ မျက်စိနဲ့ တပ်အပ်မြင်ရမှဖြစ်မည်

ရင်ခွဲရုံထဲရောက်တော့ အလောင်းတင်ထားတဲ့ ခုတင်တခုတွေ့သည် အဝတ်ဖြူတစ်ခု ဖုံးအုပ်လျှက် ကျွန်မခြေလှမ်းတို့နှေးကွေးသွားသည် ဆရာဝန်တစ်ယောက်က အဝတ်လွှာကိုဖယ်ပြတော့မှ ထားရယ်လေ အဝါရောင်ဝမ်းဆက်လေးနဲ့ အိပ်နေတဲ့အတိုင်း

''ထား ရေ ထပါဦး မမလာပြီလေ ညီမလေး မမကို မနောက်ပါနဲ့ ထားမှာတဲ့ လက်ဆောင်တွေမမ ဝယ်ခဲ့တယ်လေ ထား ထကြည့်ပါဦး ''

'' ဖြိုး ထားက ဆေးရုံမရောက်ခင်ပဲ ဆုံးသွားတာပါ ''

ဘေးနားကနေဒယ်ဒီ ဝင်ပြောသည်

ကျွန်မ မတ်တပ် ထရပ်လိုက်ပြီး

''ဒယ်ဒီပြောတော့စိတ်ချပါဆို ဒယ်ဒီရှိနေမှာပါဆို စိတ်ချပါဆို အခုတော့ကြည့်ပါဦး သမီးသူ့ကိုမတွေ့တာ ၂ ရက်တောင်မပြည့်သေးဘူး ဘာတွေဖြစ်ကုန်တာလည်း ဒယ်ဒီ့ အရိပ်အော်မှာ လုံခြုံပါတယ်ဆို သမီးတို့ကိုစောင့်ရှောက်ပေးနိုင်တယ် ဆို ပြောပါဦး ''

ကျွန်မအဖြစ်ကိုကြည့်ရင်း ဆေးရုံကလူတွေလည်း စိတ်မကောင်းကြ ဘယ့်သူ့မှလည်းဂရုမစိုက်နိုင် ခုချိန်ထိမယုံနိုင်သေးပါ ထား မရှိတော့ဘူးဆိုတာ ၂ လောက်ကြာ ကျွန်မတည်တည်ငြိမ်ငြိမ်ဖြစ်သွားတော့မှ

''ညီမ ကဖြိုးဖြိုးဦးလား အစ်ကိုနဲ့ ခဏစကားပြောရအောင်''

ရဲဝတ်စုံနဲ့လူတစ်ယောက် ကျွန်မသူ့ကိုမော့ကြည့်လိုက်တော့

''အကို ကဒီအမှုကိုတာဝန်ယူထားတဲ့ သူပါ ညီမကိုမေးစရာလေးရှိလို့ ''

''အတော်ပဲ ကျွန်မလည်း မေးစရာရှိတယ်''

ရင်ခွဲရုံနဲ့မလှမ်းမကမ်း သူသွားရာနောက်ကျွန်မလိုက်လာခဲ့သည်

''အမှန်တော့ စခန်းမှာပြောရမယ့် ကိစ္စတွေပါ ခင်ဗျားအနေနဲ့ အဆင်မပြေလောက်ဘူးထင်လို့ ''

''ညီမလေး သေဆုံးခဲ့တဲ့အချိန်က အိမ်မှာ မရှိခဲ့ တာ ညီမတစ်ယောက်ပဲရှိတယ် ''

''ဟုတ်တယ် သူဘယ်လိုတွေဖြစ်ခဲ့တာလည်းကျွန်မကိုပြောပြပါ''

''လသာဆောင်ပေါ်ကနေခြေချော် ကျတာတဲ့ပုံစံပါ''

''ခြေချော်ကျရအောင် လသာဆောင် ဝရန်တာက်နိမ့်နိမ့်လေးမှမဟုတ်တာ ကျွန်မတို့ဒူးခေါင်းကျော်ပါတယ် ခုန်ချရင် ချ မဟုတ်ရင်တွန်းချမှပဲကျမယ် ခြေချော်တာ တော့မဖြစ်နိုင်ဘူး ''

''ကျွန်တော်လည်းအဲ့လိုပဲထင်တယ် ဒါပေမယ့် အကုန်လုံးက မိသားစုတွေဖြစ်နေတာက''

''ဘယ်သူပြောတာလည်းမိသားစု လို့ ဒယ်ဒီတစ်ယောက်ပဲ ကျန်တာတွေကသူစိမ်းတွေ ''

''ကျွန်မညီမလေး ခုလိုဖြစ်တဲ့အချိန် သူတို့ကဘယ်ရောက်နေကြလို့လည်း ''

''အိမ်အကူ တစ်ယောက်က ပန်းခြံထဲမှာ တစ်ယောက်က မီးဖိုချောင်မှာ မိထွေးဖြစ်တဲ့လူကအနောက်ခြံမှာ ဦးမင်းခေါင်က အိမ်အောက်ထပ် ရုံးခန်းထဲမှာ ''

''အဲ့ဒါက သူတို့အပြောလေ ဘယ်သူမှမြင်တာမဟုတ်ဘူး သက်သေပြစရာ အတိအကျမရှိဘူး ကျွန်မအထင်တော့ သူက ခုန်ချမယ့်လူတစ်ယောက်မဟုတ်ဘူး တစ်ယောက်ယောက်ကတွန်းချတာပဲဖြစ်နိုင်တယ် ''

''အဲ့ဒီလိုတော့ တစ်ထစ်ချတွက်လို့မရဘူးဗျ အရေးကြီးတယ် တစ်ဖက်ကတွေးရင် ထားထားဦးက စိတ်ညစ်စရာတွေဘာတွေရှိလို့ ကိုယ့်ကိုကိုယ်အဆုံးစီရင်တာမျိုးရော မဖြစ်နိုင်ဘူးလား''

''မဖြစ်နိုင်ဘူး ကျွန်မကသူနဲ့အနီးစပ်ဆုံးလူးပါ ကျွန်မအသိဆုံး ကျွန်မနဲ့မတွေ့တာ ၂ ရက်တောင်မပြည့်သေးဘူး ကိုယ့်ကိုကိုယ်သတ်သေလောက်တဲ့အထိ စိတ်ညစ်စရာမရှိတဲ့ကလေးပါ မနေ့တစ်ါနေကတောင် သူဘယ်လောက်ပျော်နေလည်းရှင်မသိပါဘူး''

''ကျွန်တော်တို့ဘက်က တတ်နိုင်သလောက်စုံစမ်းဖော်ထုတ်ပေးပါမယ်''

ဟိုဘက် သည်ဘက်ကြည့်ရင်း

''ညီမ ဘက်ကလည်းအကူအညီ နဲနဲပေးရမယ် ဟုတ်ပြီလား ''

သူထွက်သွားသည် ကျွန်မလည်း ရင်ခွဲရုံဘက်ပြန်လာတော့ မိထွေးက ထားရဲ့ခုတင်ဘေးမှာ တရှုံ့ရှုံ့ငိုလို့

ဟန်ဆောင်ပြနေတာ ကျွန်မသံသယ ကသူကလွဲပြီးဘယ်သူရှိဦးမှာလည်း မင်းသားခေါင်းဆောင်းထားတဲ့ဘီလူးဖြစ်နေရင် ဘယ်သူဘာပြောနိုင်မှာလည်းဒီနေ့ကစပြီး ဘယ်သူ့ကိုမှမယုံတော့ဘူး

ထားရဲ့ အသုဘ ကိစ္စတွေပြင်ဆင်နေသည် ကျွန်မ မျက်ရည် မကျတော့ပါ ကျွန်မ ညီမ သေသွားတဲ့ဝအကြောင်းကိုသိတော့မှ ဝ အောင်ငိုတော့မညကျွန်မခေါင်းထဲတွင်အတွေးမျိုးစုံ တွေးနေမိသည်
လသာဆောင်ပေါ်ကပြုတ်ကျတယ်ဆိုတာလည်းမဖြစ်နိုင် ဒီအိမ် စရောက်တုန်းက အပေါ်ထပ်တက်ကြည့်လေဆိုတော့

''တစ်ယောက်မသွားရဲဘူးကြောက်တယ် ''တဲ့ အဲ့လို လူတစ်ယောက်က တက်ဆော့ရင်းနဲ့ပြုတ်ကျပါ့မလား
ခုန်ချရအောင်လည်း စိတ်ညစ်စရာသေးသေးမွှားမွှားကမှအစ ကျွန်မအားပြောပြတတ်သည် စိတ်ညစ်လို့ခုန်ချတာလည်းမဖြစ်နိုင်
ကျွန်မအတွက်တော့ တစ်ယောက်ယောက်ကတွန်းချလိုက်တာ ဆိုတဲ့အကြောင်းကပိုခိုင်လုံနေသည်ထိုင်နေရာမှ အိမ်ကြီးထဲမှာ လှုပ်ရှာနေတဲ့လူတွေဆီအကြည့်ရောက်သွားတယ်

မိထွေးလား အိမ်အကူအဒေါ်ကြီးလား ဒယ်ဒီလား

ဘယ်သူ့ကိုမှမယုံတော့ပါ ကျွန်မရဲ့သံသယစိတ်တွေက တစ်စ တစ်စ ကြီးထွားလာနေပြီ

ထား ရဲ့အသုဘ ကိစ္စတွေပြီးတဲ့အထိ ဘယ်သူ့ကိုမှစကားမပြောဖြစ်ခဲ့

နောက်တနေ့ကျွန်မအိမ်ပေါ်က ဆင်းလာတော့ မီးဖိုချောင်ထဲကထွက်လာတဲ့အဒေါ်ကြီးက ကျွန်မကိုရုတ်တရက်မြင်ပြီး

''အမလေး ထား ထား '' ဆိုပြီးအော်နေပါသည် ကျွန်မလည်းလှေကားပေါ်ကနေအပေါ်ထပ်ကိုနောက်လှည့်ကြည့်လိုက်တယ်
ဘယ်သူမှမရှိ အမှန်တော့အဒေါ်ကြီးက ကျွန်မကိုမြင်ပြီးထားလို့ ထင်ပြီးလန့်သွားတာဖြစ်မည်

ကျွန်မနဲ့ထား ကတော်တော်တူတယ်လေ ကျွန်မ ဘဝ မှာ ဒုတိယအချစ်ဆုံးလူတစ်ယောက်ကို ဆုံးရှုံးလိုက်ရပြန်ပြီ

ကျွန်မအိမ်အောက်ထပ်ကို ဆင်းလာတော့ ဒယ်ဒီထမင်းစားခန်းထဲမှာ

''ဖြိုး မနက်စာလာစား ''

''မစားချင်ဘူး ''

''ဘယ်အချိန်ထိ အဲ့လ်ိုလုပ်နေမှာလဲ သမီးအဲ့လိုလုပ်နေတော့ ထား ကပြန်ရှင်လာမှာလား ''

''ထားပြန်ရှင်လာမယ် ဆိုရင်တော့ ဘာပဲလုပ်ရလုပ်ရဒယ်ဒီ ဒီလိုနေလို့ပြန်မရှင်လာမှန်းသမီးသိတယ် သမီးဘာသာနေပါရစေလား''

''သမီးကိုယ်သမီးနှိပ်စက်နေတာပဲ ထား ခုလိုဖြစ်သွားတာသမီးကြောင့်မှမဟုတ်ဘဲ ''

''သမီးကြောင့်မဟုတ်ရင် ဘယ်သူ့ကြောင့်လည်း သမီး ကကိုယ့်ညီမ ကိုယ်တောင်မစောင့်ရှောက်နိုင်ဘူးလေ သမီးကိုယ်သမီးအပြစ်မတင်ရင် ဘယ်သူ့ကို အပြစ်တင်ရမှာလည်း''

''တော်ပြီ ဖြိုး ဒယ်ဒီမပြောတော့ဘူး ''

''ဒယ်ဒီပြောစရာလည်းမရှိပါဘူး ဒယ်ဒီ့သမီးသေသွားတဲ့ကိစ္စက ဒယ်ဒီ့စက်ရုံမှာ ၃ သိန်းဖိုးလောက်စာရင်းကွာနေတဲ့ကိစ္စလောက်အရေးမပါဘူးပဲလေ''

''တော်တော့ ဖြိုး''

ဒယ်ဒီကို တစ်ချက်ကြည့်လိုက်ပြီးတော့ ကျမ ခြံထဲဆင်းလာခဲ့တယ် သစ်ပင် အကြီးကြီး တစ်ပင်အောက်မှာ ဒန်းရှည်လေးတစ်ခု ကျမ သွားထိုင်ရင်းနဲ့ ထားအကြောင်းတွေ တွေးနေမိသည် အချိန်တော်တော်ကြာတဲ့ အထိ ကျမဒန်းကိုခြေထောက်နဲ့ထောက်ပြီးလွှဲလိုက်သည် အရှိန်ပြင်းပြင်းနဲ့ သုံးလေးခေါက်ယမ်းအပြီး နောက်တစ်ခေါက်ထပ်လွှဲဖို့ ခြေထောက်ပြင်တုန်းရှိသေး

နောက်ကတစ်ယောက်ယောက်တွန်းလိုက်သလို အရှိန်ပြင်းပြင်းနှင် ထပ်ရွေ့နေသည် ကြက်သီးဖြန်းခနဲထသွားပြီးမရဲ တရဲ နောက်ကိုလှည့်ကြည့်လိုက်သည် ဘယ်သူမှမရှိ ကျွန်မပြန်လှည့်လာတော့ ထားရဲ့အခန်းဝရန်တာမှာ တစ်ယောက်ယောက်ကိုရိပ်ခနဲမြင်လိုက်ရသည်

ကျမထောင်းခနဲဒေါသွားသည် ထားရဲ့အခန်းထဲကို ဘယ်သူမှမဝင်ခိုင်းပါ ကျမဒေါသထွက်ထွက်နဲ့ထရပ်လိုက်တော့ ကျမရဲ့ရှေ့ကပန်းခြံထဲမှာ အိမ်ဖော် အဒေါ်ကြီးနှစ်ယောက် ပေါင်းသင်နေကြသည် မိထွေးကတော့ အိမ်ရှေ့ လမ်းကိုတံမြက်စည်းလှည်းလို့
ဒါဆို အိမ်ပေါ်မှာရှိနေတာ ဘယ်သူပါလိမ့် ဒယ်ဒီလား
ကျမအိမ်ထဲပြန်ဝင်လာခဲ့သည် ထမင်းစားခန်းကိုလှမ်းကြည့်လိုက်တော့ ဒယ်ဒီတော့မရှိ အိမ်ပေါ်တက်မယ်အလုပ် ဒယ်ဒီ့ကို ဧည့်ခန်းထဲမှာထိုင်နေတာတွေ့လိုက်ရသည်

အိမ်ကြီးကအကြီးကြီး ကျမမြင်တဲ့အချိန်နဲ့ ဒယ်ဒီ ခနလေးနဲ့အောက် ရောက်လာဖို့မဖြစ်နိုင် ကျမအိမ်ပေါ်အလောတကြီးပြေးတက်သွားလိုက်သည် ထားရဲ့အခန်းတံခါး ကို ဖြည်းဖြည်းကိုင်ပြီး ဆွဲဖွင့်လိုက်သည်

အခန်းထဲမှာတိတ်ဆိတ်လို့ ဘယ်သူမှ မရှိ အခန်းထဲနေရာအနှံ့ လိုက်ရှာလိုက်သည်

ဟုတ်ပါတယ်စောစောကတောင်ရိပ်ခနဲသေချာမြင်လိုက်ရတာပါ

ထား များဖြစ်နေမလား ထားဆိုရင် မမဆီလာလည်းစိတ်မဆိုးပါဘူး ပြောနေတုန်းရှိသေး

ဒူ ဒူ ဒူ

ဖုန်းသံကြောင့် ဒန့်ကနဲလန့်သွားသည် မမြင်ဖူးသော ဖုန်းနံပါတ်တခု

''ဟယ်လို မဖြိုးဖြိုးဦးလား ခင်ဗျ ကျွန်တော် ဒုရဲအုပ် ကျော်ကျော်ထိုက်ပါ ပြောစရာလေးရှိလို့ အပြင်ခနလာခဲ့လို့ရမလား မြို့ထဲက ချမ်းမြေ့ ကဖေးကိုလာခဲ့ပါ''

ကျမလည်းဖုန်းချအပြီးကားသော့ယူကာထွက်လာခဲ့သည် အြို့ထဲ တော်တော်မောင်းရသည် ကျမတို့ရပ်ကွက်က မြို့အပြင်ဘက်မှာသီးခြားလိုဖြစ်နေသည်
သိပ်မရှာလိုက်ရပါ ချမ်းမြေ့ကဖေးဆိုတဲ့ ဆိုင်တွေ့ပါပြီ ရဲအုပ်လည်းအသင့်စောင့်နေတာတွေ့ရသည်

''ထိုင်ပါ ဗျ ပြောစရာကတော့ မဖြိုးရဲ့အဖေက အမှုကိုပိတ်ဖို့ပြောနေလို့ပါ ညီမအနေနဲ့ကရော''

''ဒယ်ဒီက ပိတ်ခိုင်းတာလား ကျမကတော့မပိတ်နိုင်ဘူး ကျမညီမ ဘာကြောင့်သေသွားရလည်းဆိုတာမသိမချင်းမပိတ်နိုင်ဘူး ''

''ဟုတ် ကျနော်လည်းဒါကိုသွေးရိုးသားရိုးလို့မထင်ပါဘူး ပြီးတော့ညီမ ကအခိုင်အမာ ပြောနေတော့ကာ ''

''ညီမအနေနဲ့ လည်းဒီကိစ္စကို တစ်ဘက်တလမ်းက ကူညီပေးပါ''

''ဟုတ်ကဲ့ပါ''

အပြန်လမ်းတွင်တော့ အတွေးပေါင်းများစွာ ဒယ်ဒီကဘာလို့အမှုပိတ်ဖို့အလျင်လိုနေပါလိမ့်ဆက်မစုံစမ်းစေချင်တာ ဘာသဘောလည်း

ရပ်ကွက်ထဲရောက်လို့ ခြံထဲကွေ့မယ်အလုပ် ခြံဘေးမှာ ကောင်လေး သုံး လေးယောက် ချောင်းနေတာတွေ့လိုက်သည် ကျမလည်းခြံထဲဝင် ကားထားပြီးခြံပြင်ပြန်ထွက်လာခဲ့သည် ခြံရှေ့သရက်ပင်သေးသေးလေးအောက်တွင် ခုံတန်းလျားတခု ကျမထိုင်ပြီး ကလေးသုံးယောက်ကိုကြည့်နေလိုက်သည်

သူတို့ကတော့ကျမကြည့်နေတာကိုမမြင် ချောင်းကောင်းတုန်း

'' ချွတ် ချွတ် ဟိတ်ခဏလာအုံး''

ကျမကိုပြုးပြဲကြည့်နေကြသည်

''ဟဲ့လာအုံး မမမေးစရာရှိလို့ ''

''အသက်ဘယ်လောက်လဲ ''

''၁၅ နှစ် ဗျ '' ပြိုင်တူ ဖြေလိုက်သည်

''မမ တို့ခြံထဲဘာတွေလာချောင်းနေတာလည်း ''

'' ဟို ဟို မမ မကြောက်ဘူးလားဟင် အဲ့ဒီ့ခြံထဲမှာ သရဲ မကြီးရှိတယ် ''

''မကြောက်ပါဘူး သရဲရှိတယ်လို့ဘယ်သူပြောလည်း''

''ဒီလိုပဲ သိတာပေါ့ အရင်လာနေတဲ့လူတွေလည်းသရဲခြောက်ခံရတယ်လေ ''

''ဟို တစ်လောကသေသွားတာ မမ ညီမလေးလား ''

''အင်း '' '' သူဝရန်တာပေါ်က ပြုတ်ကျတာမလား အဲ့ဒါ သရဲတွန်းချတာ အရင်လူတွေလည်းအဲ့လိုပဲပြုတ်ကျပြီးသေကြတာ ''

ကလေးတစ်ယောက်က ပါးစပ်အတင်းပိတ်ပြီး

''ဟေ့ရောင်ရှောက်မပြောနဲ့ ''

ဆိုပြီးထွက်ပြေးသွားကြတယ် ကျမလည်းမယုံနိုင်ဘူးပေါ့ သရဲကတွန်းချတယ်တဲ့လား

အိမ်ထဲပြန်ဝင်လာလိုက်တယ် အချိန်က ၃ နာရီတောင်ရှိနေပြီ

စိတ်ထဲမတင်မကျကြီးဖြစ်နေတာကြောင့် အိမ်ပေါ်ထပ် လသာဆောင်ဘက်တက်ခဲ့လိုက်တယ်

ဟိုဘက်သည်ဘက်လျှောက်ရင်း ထားပြုတ်ကျခဲ့တဲ့နေရာရောက်တော့ အောက်ကိုငုံ့ကြည့်လိုက်တယ်

ကျမအောက်ကိုငုံ့ကြည့်နေတုန်း ဗြုန်းးးးးးးးဆို နောက်ကတယောက်ယောက်တွန်းချလိုက်သလို ရှေ့ကို ဟပ်ထိုးလဲသွားတယ်

'' အမေ့ ''

ယောင်ယမ်းအော်ပြီး ဟန်ချက်မနည်းပြန်ထိမ်းလိုက်ရသည် အောင်မလေးပြုတ်ကျတော့မလို့

နောက်ကဘယ်သူတွန်းတာလည်းဆိုပြီး ပြန်လှည့်ကြည့်တော့ ဘယ်သူမှမရှိ အိမ်အောက်ထပ်ပြန်ဆင်းလာခဲ့သည် ဘယ်သူမှမရှိ အကုန်လုံးကခြံထဲမှာ

ဇဝေဇဝါနဲ့အိမ်ပေါ်ပြန်တက်လာခဲ့ပြီး အိပ်ခန်းထဲဝင်ပြီး ဝရန်တာဘက်ထွက်လာခဲ့သည်
်
အချိန်တော်တော်ကြာ ဟိုကြည့်သည်ကြည့်လုပ်နေတုန်း အခန်းထဲကနေ ခြေသံ တရှပ် ရှပ်ကြားနေရသည် ကျမလည်းပြန်လှည့်ကြည့်လိုက်တော့

ဒေါ်တင်မေ အိမ်အကူ အဒေါ်ကြီး

''အဒေါ်ဒီမှာ ဘာလုပ်နေတာလည်း''

''ထမင်းစားဖို့လာခေါ်တာပါမမလေး ''

''နောက်တခါ အခန်းထဲဝင်ရင်တံခါးခေါက်ပါ ကျမအခန်းထဲကို အဲ့လိုတိတ်တိတ်လေးဝင်လာတာမကြိုက်ဘူး ခဏနေမှစားမယ်''

ကျမစကားဆုံးတော့ အိမ်အောက်ထပ်ပြန်ဆင်းသွားသည် ကျမလည်းသူ့နောက်က တိတ်တိတ်လေးလိုက်သွားပြီးမီးဖိုခန်းအကွယ်လေးမှာ အိမ်အကူနှစ်ယောက်ကိုချောင်းနေလိုက်တယ်

''မမလေး လည်းသနားပါတယ်ဟယ် တစ်ယောက်ထဲ''
''အခု တဖြည်းဖြည်းနဲ့ ဆရာနဲ့တူလာပြီ အရင်ကဆို သွက်သွက်လက်လက်ရယ် အခုတော့အေးတိအေးစက်ကြီး ''

''အေးလေ သူလည်းနေ့ခြင်းညချင်း သူ့ညီမလေးကိုဆုံးရှုံးလိုက်ရတာကိုး အဲ့လောက်တော့ရှိမှာပေါ့ ထား လည်းသနားပါတယ်''

သူတို့ပြောတဲ့စကားများကိုနားထောင်နေတုန်း နောက်ကဒယ်ဒ်ီရောက်လာသည်ကိုတောင်မသိလိုက

''သမီး ဘာလုပ်နေလဲ ''

''ထမင်းစားမလို့''

ခပ်ပြတ်ပြတ်ပဲပြောပြီးမီးဖိုခန်းထဲဝင်ခဲ့သည်

''မမလေးရှေ့ခန်းမှာပြင်ပေးမယ်လေ''

''ရတယ် ဒီမှာပဲစားမယ်''

ထမင်းဟင်းခူပေးနေတဲ့အဒေါ်ကြီးကို

''ထားပြုတ်ကျ တုန်းကအဒေါ်ကြီးကဘယ်နားမှာလည်း ဘာလုပ်နေလဲ''

''ရှင် ရှင် မမလေး အိမ်အောက်ထပ်မှာပါ''

''အော်ပြုတ်ကျတဲ့အချိန် ဘာသံကြားလိုက်ရလည်း ပြီးတော့ပြုတ်ကျတာဘယ်လိုသိလည်း ''

''ထားရဲ့အားးးးးဆိုတဲ့အသံကြားပြီး ဘုတ်ဆိုတဲ့အိမ်ရှေ့ပြေးလာတော့ ထားကိုတွေ့တာပါပဲ''

''အဒေါ်ရှေ့ရောက်တော့ အန်တီအရင်ရောက်နေပြီမလား''

''ဟုတ်တယ် ထားအနားမှာ စန့်စန့်ကြီးရပ်နေတာ''

''အော် ဟုတ်ပါပြီ ဖြိုး စားပြီးပြီ''

အိမ်ပေါ်ထပ်တက်မယ်လုပ်တုန်း လှေကားထိပ်မှာ ရိပ်ခနဲ တွေ့လိုက်ရသည်မိန်းမ တစ်ယောက် ကျမလည်း အပြေးလိုက်သွားသည် အိမ်ပေါ်ကိုအမှီ လိုက်တက်ခဲ့သော်လည်း အပေါ်မှာတော့ဘယ်သူမှမရှိ ထိုအချိန်

အိမ်ထဲသို့ကားတစ်စီး ရပ်သံကြားလိုက်ရသည်---

( အပိုင်း ၂ )
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

အိမ်အောက်တော့ပြန်မဆင်းဖြစ်သေး အောက်ထပ်ကအသံများကို နားစွင့်နေလိုက်သည်

''မင်း က ဒီအိမ်ကို ဘာလာလုပ်တာလဲ''

ဒယ်ဒီ့အသံ

ဘယ်သူပါလိမ့်ဆိုပြီးအောက်ထပ် ဆင်းလာလိုက်တော့

''ဟင် လေးလေး ''

အမှန်ပေါ့ကျမဦးလေး ဒယ်ဒီ့ရဲ့တစ်ဦးတည်းသောညီ

''ဖြိုး သမီး လာ လေးလေး ပြောစရာရှိလို့လာခဲ့တာ ''

ဒယ်ဒီကတော့သဘောမကျသည့်မျက်နှာထားနှင့်

''လာ လေးလေးခြံထဲမှာပြောရအောင်''

''ဘာတွေဖြစ်ကုန်တာလည်း သမီး လေးလေးတော့ နားမလည်နိုင်တော့ဘူး ဒီသတင်းကြားတော့အရမ်းအံ့သြသွားတယ် ထား ကအဲ့လိုကလေးမှမဟုတ်တာ ''

''ဘယ်လိုကလေး ကိုပြောနေတာလည်း လေးလေး ထားကအကြောင်းတခုခုကြောင့်ကိုယ့်ကိုကိုယ် သတ်သေသွားတယ် ဆိုတဲ့သဘောမျိုး လို့လေးလေး ထင်နေတာလား ''

''ဒါဆို သမီးက ဘယ်လိုထင်လို့လဲ တစ်ယောက်ယောက်ရဲ့ ပယောဂ လို့ထင်နေတာလား ''

''မဟုတ်ဘူးလို့ မပြောနိုင်ဘူးလေ လေးလေး သမီး ညီမ အကြောင်းသမီး အသိဆုံး ''

''သမီး မှာအကြောင်းအရာ ခိုင်ခိုင် လုံလုံ ရှိလို့လား သမီးစိတ်ထဲ သံသယ ဝင်ရမယ့်လူရှိလား ''

''သမီး မသိဘူး အိမ်မှာရှိသမျှလူတွေ အကုန်လုံးသံသယဝင်တယ် အခုမှပိုပြီး ခိုင်လုံတဲ့အချက်က ခုနက အိမ်အကူ အဒေါ်ကြီးပြောတာ ထား ကအားးးးဆိုအော်ပြီးပြုတ်ကျတာတဲ့ လေးလေးပဲစဉ်းစားကြည့် သတ်သေတဲ့လူတစ်ယောက်က ခုန်ချတဲ့အချိန်မှာအော်ပါ့မလားး တွန်းချခံလိုက် ရတာဖြစ်ဖြစ် တခုခုကိုမြင်ပြီး ကြောက်လန့်ပြီး ခြေချော်ကျတာ မျိုးဖြစ်နိုင်တယ် ''

'' သမီးပြော တာ ဖြစ်နိုင်ပါတယ် ပထမဆုံးသံသယ ဝင်ရမှာက ဟိုမိန်းမ အမွေနဲ့ ပတ်သတ်ပြီးလေးလေး စိတ် ထဲသင်ကာ မကင်းဘူး အစ ကတည်းက ဒါတွေမက် လို့ဒီ အိမ်ပေါ်ရောက်လာတာမလား ''

''အော်အမွေ ဆိုလို့ လေးလေးသမီးနဲ့ပြောစရာရှိသေးတယ် ဒီမှာတော့မပြောချင်ဘူး မနက်ဖြန် တော်ဝင် ဟိုတယ်ကိုလာခဲ့ လေးလေး အဲ့ဒီမှာ တည်းမှာ အခုတော့ ပြန်တော့မယ် မှောင်နေပြီ ''

''ဟုတ်လေးလေး မနက်စောစော လာခဲ့မယ် ''

ဦးလေး ကို ခြံထိပ်အထိလိုက်ပို့အပြီး အိမ်ထဲပြန်ဝင်လာခဲ့တယ် အမှတ်မထင်အိမ်ပေါ်ထပ်လှမ်းကြည့်လိုက်တော့ ထား ရဲ့ အခန်းထဲမှာ မီးပွင့်နေတယ်

''ဘယ်လိုဖြစ်တာပါလိမ့် ငါမနက်က သေချာပိတ်ခဲ့ပါတယ် ''

ကျမ အိမ်ထဲဝင်မယ်အလုပ် ဘေး နားက ဒန်းက ကျွှီ ခနဲ လေလည်းမတိုက်ဘဲ လှုပ်ရမ်းသွားတယ် ကျမလည်းကြောင်ပြီး ရပ်ကြည့်နေလိုက်မိတယ် သတိဝင်ပြီး အိမ်ပေါ်ထပ်လှမ်းကြည့်လိုက်တော့ မီး မလင်းတော့ဘူး ကျမလည်းအိမ်ပေါ်ထပ်အပြေးအလွှားတကလာခဲ့တော့ ထားရဲ့ အခန်းကနေလူ တစ်ယောက် ထွက်ပြေးသွားတာ ရိပ်ခနဲ တွေ့လိုက်ရတယ် ကျမလည်း ဒီတခါတော့ အလွှတ်မခံတော့ဘူး အပြေးလိုက်သွားတယ်

ရှေ့ကလူ ပြေးတာ အရမ်းကိုမြန်တယ် ရိပ်ခနဲ ရိပ်ခနဲ နဲ့ လ ဆာဆောင်ပေါ်အထိရောက်လာ ပြီး ပြေးနေတဲ့ လူ ရပ်ပြီး ကျွန်မဘက်ကို ဖြည်းဖြည်းလေး လှည့်လာလိုက်တယ် ကျမမမြင်ဖူးတဲ့မိန်းမတယောက် သူမ ပုံစံ ကိုသေသေချာချာမြင်နေရသည် ကျွန်မကိုကြည့်ရင်း ဝရန်တာဘက်သို့ နောက်ပြန်သွားနေတယ် တဖြည်းဖြည်းဝရန်တာ နားရောက်တော့ နောက်ပြန်ပြုတ်ကျ သွားသည်

ကျမလည်းလန့်ပြီး သူကျသွားတဲ့နေရာ ကိုအပြေးလိုက်ကြည့်လိုက် တော့ ဘယ်သူမှမရှိတော့ဘူး

သူက ကျမကို ဘာပြောချင်နေတာလည်း ဘာလုပ်ပြတာလည်းမသိ ကျ မတွေးနေတုန်းမှာပဲ ကျမ ရဲ့ပုခုံးကို နောက်က တယောက်ယောက်က လာကိုင် လိုက်တယ် လက်က အေးစက်စက်ကြီး နဲ့ ရင်ထဲဒိန်းခနဲဖြစ်သွားပြီး နောက်ပြန်လှည့်ကြည့်လိုက်တော့ ဒယ်ဒီ

''သမီး ဒါဘာလုပ်နေတာလည်း ဒယ်ဒီအိမ်ပေါ်တက်လာတော့ သမီး အပေါ်ထပ်ပြေးတက် သွားတာမြင်လို့ လိုက်လာတာ ''

ဒယ်ဒီ ဘာထင်နေလည်းမသိ ကျမ ပုံစံကလည်း ခုန်ချတော့မယ် ပုံစံမျိုးဖြစ်နေတာ မဟုတ်လား

''ဘာမှ မဟုတ်ပါဘူး ဒီလိုပဲ ဘာတွေစိတ်ပူနေတာလည်း ဒယ်ဒီရဲ့ သမီးသေသွားတော့ ဒယ်ဒီအမွေပေးဖို့ လူတစ်ယောက်လျော့ တာပေါ့ ''

''တော်စမ်း မိဖြိုး သမီးစကားတွေက ဘာကိုဦးတည်နေလည်း ဒယ်ဒီသိတယ် ဒယ်ဒီက ဒီစည်းစိမ်ဥစ္စာတွေ အတွက် ကိုယ့်သားသမီးအရင်း ကိုသတ်မယ့်လူလို့ထင်နေတာလား အခု ရှာနေတာတွေလည်းသမီးတို့ အတွက်ပဲ အခုလိုအရူးလိုလုပ်နေတာတွေတော်တော့ ''

''ဟုတ်တယ် သမီးလည်းရူးတော့မယ် ဒယ်ဒီကအေးဆေးနေနိုင်ပေမယ့် သမီးမနေနိုင်ဘူး ''

''သမီး မသိတာတွေ အများကြီးရှိသေးတယ် သမီးနားမလည်နိုင်တာတွေလည်းရှိသေးတယ် မသိတာပိုကောင်းတယ် မသိချင်တော့နဲ့ ''

ဒယ်ဒီ နားမလည်နိုင်တဲ့ စကားတွေပြောပြီးလှည့်ထွက်သွားခဲ့တယ် ကျမတစ်ယောက်ထဲ ယောင်ချာချာ ဟိုတွေး ဒီတွေး တွေးပြီး အိပ်ခန်းထဲပြန်လာခဲ့တယ်

မနက်မိုးလင်းတော့ လေးလေးနဲ့တွေ့ ဖို့ကျ မမြို့ထဲကို ထွက်လာခဲ့တယ် ဟိုတယ်ရောက်တော့ ရှာတောင်မရှာလိုက်ရဘူးလေးလေးက ဧည့်ခန်းထဲမှာ သတင်းစာထိုင်ဖတ်နေတယ်

''လာ ထိုင်သမီး ''

စာရွက်တစ်ရွက် ကျမ ကို လှမ်းပေးလိုက်တယ် စာရွက်ကိုကြည်လိုက်တော့

: ကျွန်ုပ် ဦးမင်းနောင်ပိုင်ဆိုင်သည့် အမွေများသည် ကျွန်ုပ် တူမ အရင်းအချာဖြစ်သော မဖြိုးဖြိုးဦးအား အလုံးစုံပေးအပ်မည် သူမ အသက် ၂၀ ပြည့်သည့်နေ့တွင် ဤ အမွေများအား ခံစားခွင့်ရှိမည်ဖြစ်သည် :

ကျ မလက်ထဲက စာရွက်ထဲ ကစာသားအချို့

''ဒါဘာလည်းလေးလေး ''

''ဘာလဲ ဆိုတော့ သမီး အသက် ၂၀ ပြည့်တဲ့ နေ့ကျရင် သမီးကသမီး ဒယ်ဒီထက် ချမ်းသာတဲ့ လူတစ်ယောက်ဖြစ်သွားပြီဆိုတဲ့သဘောပဲ ဒါလေးလေးရဲ့ သေတမ်းစာ ''

''သမီးကို ဘာလို့ လေးလေးရဲ့ အမွေကိုပေးတာလည်း ''

''အစ ကတည်းကပေးမယ်လို့ရည်ရွယ်ပြီး သား သမီးနဲ့ ထားကို လေးလေးအတွက်ဒါတွေမလိုပါဘူး ဒီက ကိစ္စတွေပြီးရင် လေးလေးနိုင်ငံခြားမှာပဲ အပြီးနေတော့မှာ သမီးအဖိုးလည်းအတူတူပဲ''

''သမီးအနားမှာ မရှိပေးနိုင်လို့ လေးလေးအနေနဲ့ သမီးအတွက်နောက်ခံအင်အားအဖြစ် ဒါတွေပေးတဲ့သဘောပဲ''

''ဒါနဲ့ မနေ့ကသမီးကိုမေးမလို့ အိမ်မှာ အလုပ်လုပ်တဲ့မိန်းမကို လေးလေးမသိဘူး ''

''ဒေါ်တင်မေလား မသိဘူးလားလေးလေးရဲ့ သမီးငယ်ငယ်ကတည်းကအိမ်မှာလုပ်တာကို ''

''မဟုတ်ဘူး လေ မနေ့က လေးလေးတွေ့တာ တစ်ယောက်ဒေါ်တင်မေတော့သိတာပေါ့ ''

''အော် ဒေါ် ခင်မြရင် လား သူက မေမေနေမကောင်းထဲကခေါ်ထားတာလေ ကြာပြီ မေမေနေမကောင်းတုန်းကသူပဲပြုစုပေးခဲ့တာ ''

''ဟုတ်လား လေးလေးကမသိဘူး မနေ့ကတွေ့တော့ အိမ်အကူလို့မထင်ဘူး သူ့ပုံစံက အိမ်ဖော်တစ်ယောက်ပုံမဟုတ်ဘူး မနေ့က သမီးမိထွေးနဲ့အတူတူတွေ့တော့သူ့အမလို့ ထင်လိုက်တာ''

''မဟုတ်ပါဘူး အန်တီ က တစ်ကောင်ကြွက်လို့ပြောတာပဲ ''

''ကဲ ထားပါတော့ လေးလေးစိတ်ထဲ တူသလိုလိုထင်မိလို့ သမီး ဒီစာရွက်မှာ လက်မှတ်ထိုးလိုက် ''

''မနက်စာ မစားလာရသေးဘူးမဟုတ်လား လေးလေးနဲ့စားလိုက် ''

ဒီလိုနဲ့ မနက်စာစားပြီး ပြန်လာခဲတော့သည် လမ်းမှာတော့ လေးလေးပြောတဲ့စကားက်ုပြန်တွေးမိသည်

အိမ်အကူ နဲ့ အန်တီက ညီအမတွေများဖြစ်နေမလား နှစ်ယောက်ပေါင်းပြီးအမွေအတွက် ထား ကိုသတ်လိုက်တာမျိုးများလား ကျမ သတိတစ်ချက်ဝင်ပြီး ဖုန်းကောက်ဆက်လိုက်သည်

''ဟယ်လို အကို ညီမ ပါအကူအညီတခုလောက်တောင်းမလို့ အရင်တခါတွေ့တဲ့ နေရာကို လာပေးပါလား ''

''ဟုတ်ပြီ ညီမ အခုပဲလာခဲ့မယ် အကိုလည်းအခုမြို့ထဲမှာာ''

ကျမလည်းဖုန်းချပြီး ဆိုင်ဘက်ကွေ့ဝင်လာခဲတယ် ထိုင်ခုံမှာ ထိုင်မယ်တောင်မကြံရသေး သူက ရောက်ချလာတယ်

''ကဲ အကို ဘာကူညီပေးရမလဲ ''

''ဟို ညီမ မိထွေးရဲ့ နောက်ကြောင်းကိုစုံစမ်းချင်လို့ပါ အရင်ကမိသားစုတွေဘာတွေ ရှိမလားလို့သိချင်လို့ အဲ့ဒါ စုံစမ်းပေးနိုင်တဲ့လူများ အကိုသိမလားလို့''

''ရပါတယ် အကို ကိုယ်တိုင်စုံစမ်းပေးလည်းဖြစ်တယ် ဒီအမှုကို ကိုင်ထားတာဖြစ်လို့ စုံစမ်းဖို့က တကူးတကမဟုတ်ပါဘူး''

''ပြီးတော့လေ ညီမအိမ်က အိမ်အကူ ဒေါ်ခင်မြရင် ကိုပါတခါတည်းစုံစမ်းပေးပါလား ''

''ညီမက သူ့ကိုသံသယဝင်လို့လား ''

''ဟုတ်တယ် အရင်က မိထွေးအပေါ်မှာပဲ အာရုံရောက်နေခဲ့တာ သူ့ကိုသတိမထားမိဘူး အဲ့ဒီ့နေ့က ထားပြုတ်ကျတော့ မိထွေးက ထားနားအရင်ရောက်တယ် ပြီးတော့ မီးဖိုချောင်မှာရှိနေတဲ့ အဒေါ် ကြီး ကအသံကြားလို့ထွက်ကြည့်တယ် ဒယ်ဒီ ပြီးတော့ သူက နောက်ဆုံးမှရောက်လာတာ မဟုတ်လား အန်တီက တွန်းချခဲ့တာ ဆို ပြုတ်ကျလို့ အသံကြားတဲ့လူထက်အရင် ရောက်နေမှာ မဟုတ်ဘူး အစ ကတည်းကအောက်မှာရှိနေခဲ့တာ ဖြစ်နိုင်တယ်

အပေါ်ထပ်ကနေအောက်ထပ်ကို ခနလေးနဲ့ရောက်မလာနိုင်ဘူး ဒီတော့ သံသယဝင်စရာက ဒယ်ဒီနဲ့ သူနဲ့ပဲရှိတယ် ဒယ်ဒီကတော့မဖြစ်နိုင်ဘူးလေ ''

''ပြီးတော့ဒေါ်တင်မေအကြောင်းကိုတော့တော်တော်လေးသိတယ် သူ့သားသမီးတွေထိသိတယ် သူ့အကြောင်းတော့သိပ်မသိဘူး မေမေအိပ်ရာထဲလဲတဲ့အချိန် အိမ်မှာ အလုပ်ဝင်တာပဲ ''

''ဟုတ်ပြီလေ အကိုစုံစမ်းကြည့်ပါအုံးမယ် ''

စကားပြောဆိုပြီး အိမ်ပြန်လာခဲ့သည်

အိမ်ပေါ်တက်မယ်လုပ်တုန်း ဧည့်ခန်းထဲက ဖုန်းဝင်လာတော့ ဖုန်းကိုင်မယ်အလုပ်

''နေ နေ ဖြိုး အန်တီကိုင်လိုက်မယ် ''

ဆိုပြီးအသည်းအသန် ပြေးလာသည်

''ဘယ်သူ့ ဖုန်းမလို့လည်း အဲ့လောက်အသည်းအသန်ဖြစ်နေတာ ''

''အန်တီ သူငယ်ချင်းက ဖုန်းဆက်မယ်ပြောလို့ပါ ဟယ်လို အေးပြော''

ဟိုဘက်လှည့်ပြီး ဖုန်းပြော နေတော့ ကျမလည်းအိမ်ပေါ်ါ်ထပ်တက်လာခဲ့လိုက်တယ် အကျီလည်း ရင်း ပြတင်းပေါက်ကနေခြံထဲ ကိုအမှတ်မထင်လှမ်းကြည့်လိုက်တော့ ဒေါ်ခင်မြရင် တစ်ယောက်ခြံထဲမှာ ဟိုဘက်လျှောက်လိုက် ဒီဘက်လျှောက်လိုက်နှင့်ဖုန်းပြောနေတာ်

ဘယ်သူနဲ့ပြောနေတာပါလိမ့် ခြေဟန် လက်ဟန်တွေရော ကျမလည်း တိတ်ိတ်လေး အိမ်အောက်ဆင်းလာခဲ့လိုက်တယ် အန်တီကတော့ ဖုန်းပြောနေတုန်း ဖုန်ပြောနေတယ်ဆိုပေမယ့် သူကနားထောင်နေတာ ဘာမှပြန်မပြောဘူး အဲ့ဒါနဲ့ ကျမလည်း သူမမြင်အောင် မီးဖိုချောင်ဘက်ကနေ ခြံထဲထွက်လာခဲ့လိုက်တယ်

ခြံထဲမှာတော့ ကျွန်မတစ်ယောက်ထဲ ကုပ်ချောင်းကုပ်ချောင်း သူကပန်းခြံဘက်မှာ ရှိနေတာမို့ ကျမ ဆင်ဝင် ဘက်ကနေ သူမမြင်အောင် စံပယ်ပင်တွေဘက်ပြေးလာခဲ့လိုက်သည် သူဖုန်းပြောသံ သဲ့သဲ့ စကြားရပါပြီ

''နင့် အမူအရာတွေ အဲ့လောက်ပျက်မနေနဲ့ သူများကထင်ရင်နင့် ကိုပဲ ထင်မှာ အခု ဘယ်လိုလုပ်ကြမလဲ စီစဉ်ထားတာတွေ အကုန်ရေစုန်မျောသွားပြီ ဟိုစာရွက်လည်းမတွေ့တော့ဘူး ''

သူပြောတဲ့အသံ ကကြားတချက်မကြားတချက် ထိုအချိန် ဒယ်ဒီ့ကား အိမ်ထဲဝင်လာသည့်

''ဟဲ့ ဒါပဲ ဒါပဲ သူဌေးပြန်လာပြီ ''

ဖုန်းချပြီး ဒယ်ဒီ့ကားဆီပြေးသွားတော့သည်

ဒူ ဒူ ဒူ

လန့်ရပြန်ပြီဒီဖုန်း

''ဟယ်လိုညီမရေ ခဏလောက်အပြင်လာခဲ့ပါ လားအကိုစုံစမ်းပြီးပြီ ''

''ဟင် မြန်လှချည်လား ခုန ကမှစုံစမ်းခိုင်းထားတာကို ''

''ဟုတ်တယ် အမှန်တော့ အကို ဟိုရက်တွေ ကတည်းက ညီမ မိထွေးနဲ့ပတ်သတ်ပြီးစုံစမ်းထားတာ ရှိတယ် တခြားတစ်ယောက်ကိုစုံစမ်းလိုက်တော့အရမ်းလွယ်နေတယ် ''

''ဟုတ်အကို ညီမလာခဲ့မယ် ''

ဖုန်ပြောပြီးကားသော့ယူဖို့အိမ်ထဲပြန်ဝင်လာခဲ့တော့
''ဖြိုး အခုတလော ဘာတွေလုပ်နေတာလည်း ''

''ဘာလုပ်နေလို့လဲ ဒယ်ဒီ သမီးအိမ်ထဲ မှာပဲ ပူဆွေးသောကရောက်နေတာ မမြင်ချင်ဘူးမလား ''

ပြောပြီးထွက်လာခဲ့တော့သည်

''ထိုင် ညီမ မိထွေးကတော့ တစ်ကောင်ကြွက်ပါဘဲ မိဘတွေမရှိကြတော့ဘူး အကိုတယောက်ကတော့သေသွားတာကြာပြီ အစ်မတစ်ယောက်ရှိတယ်လို့တော့ပြောတယ် နယ်ဘက်မှာ သူ့မိသားစုနဲ့အတူနေတယ်တဲ့ ''

''အဒေါ်ကြီးကတော့ ပြစ်မှုမှတ်တမ်းရှိတယ် အဲ့ဒါကြောင့်ရှာရလွယ်တာ ''

''ဘာမှု နဲ့လည်း လိမ်လည်မှုပါ အကြီးစာလိမ်လည်မှုတခုကြောင့်ထောင်တောင်ကျခဲ့ဖူးတယ်''

''ဟာ ဒုက္ခပါပဲ ဒယ်ဒီက အဲ့လိုလူမျိုးကိုအိမ်ပေါ်ခေါ်တင်ထားတယ်လား ''

''ဒါနဲ့ ကျမ မိထွေးနဲ့ အဒေါ်ကြီးနဲ့က ညီအမတွေဖြစ်နိုင်လား ''

''အကို နယ်ဘက်က သူ့အမ ဆိုတာအရင်သွားစုံစမ်းကြည့်မယ် ညီမလည်း ဒီမှာ နည်းနည်းပါးပါး စောင့်ကြည့် ပေါ့ ပြီးတော့ အရာရာသတိရှိဖို့လိုတယ် အခုက ညီမ ရမယ့်အမွေတွေကမနည်းဘူး ညီမအတွက် အန္တရယ်က မျက်စိရှေ့လေးတင် သတိနဲ့နေပါ''

''ဟုတ်ကဲ့ပါ ''

အိမ်ထဲဝင်မယ်လုပ်တုနါး အိမ်ထဲမှာလူတွေ တရုံန်းရုန်းနဲ့ဘာမှန်းဖြစ်ပြန်ပြီလဲ မသိ အိမ်ထဲဝင်လိုက်တော့ကိုယ်မသိတဲ့ မျက်နှာတွေမှအများကြီး

'' ဟာ မမလေး နေကောင်းးတယ်နော်''

လာနှုတ်ဆက်တဲ့လူကို ပြူးပြီးကြည့်နေလိုက်မိတယ်

''ကျွန်တော် သူဌေး အတွင်းရေးမှုးပါ ''

''အော် သိပြီ ဒီမှာ ဘာတွေဖြစ်နေတာလည်း ''

''သူဌေးက မနက်ဖြန် dinner လုပ်ဖို့အတွက်ပြင်ဆင်နေတာပါ ''

''ဘာ ဒယ်ဒီအခုဘယ်မှာလည်း ''

''သူဌေးကတော်နဲ့ အပေါ်ထပ်မှာပါ''

ဒယ်ဒီဘာတွေလုပ်နေလဲ မသိဘူး ဒယ်ဒီ့အခန်းရှေ့ရောက်ခါနီးမှာ ဒယ်ဒီနဲ့ အန်တီ စကားများသံတွေကြားနေရတယ်

'' ကိုကြီး ဒါကဖြစ်သင့်လို့လား မိုးကိုပြောပါအုံး ကိုကြီးတို့အစကတည်းက ကြိုတင်စီစဉ်ထားကြတာမဟုတ်လား ''

''တော်ပြီ မိုးပြီးခဲ့တာတွေပြီးပါစေတော့ နောက်မှပြောရအောင် ''

''ဒေါက် ဒေါက် ဒေါက် ''

''ဒယ်ဒီ သမီးပါ ပြောစရာရှိလို့ ''

ခနကြာတော့ တံခါးပွင့်လာတယ် အန်တီကတော့ မျက်နှာသိပ်မကောင်းဘူး

''ဒယ်ဒီ dinner က ဘာလည်း ဒယ်ဒီ့သမီးသေတာ ၁ လ တောင်မပြည့်သေးဘူး ပတ်ဝန်းကျင်ကဘာပြောမလဲ ဒယ်ဒီလုပ်ချင်ရင် ဟိုတယ်မှာလုပ်ပေါ့ အိမ်မှာလုပ်တာတော့မကောင်းဘူး ''

''ပတ်ဝန်းကျင်က ဘယ်လိုထင်ထင် ဒယ်ဒီ ဂရုမစိုက်ပါဘူး ''

''ဒါပေါ့ ဒယ်ဒီ ဂရုမစိုက်တတ်မှန်းသိပါတယ် ပြောမိတဲ့သမီးပဲမှားတာ ပြောတော့သမီးအတွက်နဲ့ နောက်ဆုံးတော့ ကိုယ်လုပ်ချင်ရာကိုယ်လုပ်တာပဲ ''

ပြောစရာရှိတာပြောပြီး အိပ်ခန်းဖက်ထွက်လာခဲ့တော့သည် မြင်နေရင် ဆက်ပြောမိနေအုံးမည် ဘာတွေလုပ်နေမှန်းမသိ

အိပ်ခန်းထဲရောက်ပြန်တော့လည်းအောက်ထပ်က ဆူညံသံများကြားနေရသည် မဖြစ်သေးပါဘူး ဆိုပြီးအောက်ထပ်ပြန်ဆင်းလာခဲ့တော့သည်

အောက်မှာတော့ခုံသယ်တဲ့သူကသယ် ပြင်ဆင်တဲ့လူတွေကပြင် နဲ့ အိမ်ဖော်အဒေါ်ကြီးကို တစ်ချက်လိုက်ရှာလိုက်တယ် သူလည်း အလုပ်တွေရှုပ်နေတယ် ဘာတွေမှန်းမသိ မျက်စ်ိနောက်တာနဲ့ပဲ ခြံထဲထွက်လာခဲ့လိုက်တယ် ဒန်းလေးပေါ်မှာထိုင်ရင်း အိမ်ထဲက လူတွေကိုကြည့်ရင်း အဒေါ်ကြီးကို မျက်ခြေပြတ်မခံကြည့်နေလိုက်တယ်

ကြည့်နေတုန်းကအိမ်ပေါ်ထပ်ကနေ လူတစ်ယောက်ရပ်နေသလို ခံစားရပြီး လှမ်းအကြည့်မှာ မနေ့ကမိန်းမ လသာဆောင်ပေါ်မှာ မတ်တပ်ကြီးရပ်လို့ ကျမသူ့ကိုလှမ်းကြည့်လိုက်တော့ သူက ခြံထဲကို လက်ညိုးညွှန်ပြနေတယ်

သူပြတဲ့နေရာကို လှမ်းကြည့်လိုက်တော့ စံပယ် ပင်ခြုံတွေကြား ဘာကိုပြနေတာလည်းမသိ ကျမ လည်းသူ့ကိုကြည့်ရင်း စံပယ်ပင်တွေဆီလျှောက်လာလိုက်တယ် အပင်နားရောက်တော့ သူ့ကိုမော့ကြည့်လိုက်တော့ မရှိတော့ဘူး

သူခုနကပြတာ ဘာပါလိမ့် အပင်ကြားထဲကို ကြည့်လိုက်တော့ ဟိုးးကိုင်းကြားမှာ စာရွက်လေးတရွက် ဘာပါလိမ့် 


( အပိုင်း ၃ ) ဇာတ်သိမ်း
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

ကိုင်းကြားမှာကျနေတဲ့ စာရွက်လေးကိုလှမ်းယူပြီး ဖြန့်ဖတ်ကြည့်လိုက်တယ် မေမေရဲ့သေတမ်းစာ ဘယ်လိုဖြစ်ရတာပါလိမ့် မေမေ့သေတမ်းစာက ဘယ်လိုလုပ်ဒီနေရာက်ိုရောက်နေရတာလည်း

သေတမ်းစာကိုဖတ်ကြည့်လိုက်တော့ အထဲမှာပါဝင်တဲ့ အကြောင်းအရာတွေက လေးလေးရဲ့ သေတမ်းစာလိုပဲ အမွေ များအားလုံး ကျမနဲ့သာသက်ဆိုင်နေသည် ထား အတွက်တစ်ခုမှမပါ ဘယ်လိုဖြစ်ရတာပါလိမ့် မေမေက ထားအတွက်အမွေမပေးခဲ့ပါဘူး ပြီးတော့ မေမေပေးမယ့်စည်းစိမ် က ဒယ်ဒီ့ ပိုင်ဆိုင်မှု တဝက်ပါ

ဒယ်ဒီပြောတဲ့် နားမလည်နိုင်တဲ့အရာ တွေဆိုတာ ဒါတွေနဲ့များသက်ဆိုင်နေမလားမသိ

အရေးကြီးတဲ့ စာရွက်စာတမ်းတခု က သစ်ပင်တွေကြားရောက်နေခြင်းဟာ တော်တော်လေးထူးဆန်းနေသည် သရဲ အန်တီပြခဲ့တာဆိုတော့ ထား များမြင်ခဲ့လို့လား သူသေခဲ့တာ ဒီစာတွေနဲ့များ ပတ်သတ်နေမလား

ထား သေခဲ့တဲ့အကြောင်းကို သူ့ကိုသတ်တဲ့လူနဲ့ မျက်မြင်သတ်သေပဲသိလိမ့်မည် သရဲအန်တီက တခုခုတော့ သိနေမှာအမှန် ပဲ ကျမ အိမ်ပေါ်ထပ်သို့အပြေးတက်ခဲ့လိုက်သည် တွေ့လိုတွေ့ညား သရဲဆိုပြီးကြောက်မိပေမယ့် ဒီလိုအချိန်မှာ ကျမ အဖို့ဘယ်သူ့ကိုမဆိုအကူညီတောင်းဖို့ဝန်မလေးပါ

လသာဆောင်အထိ အပြေးတက်လာခဲ့လိုက်သည် ထိုအချိန် ကျမနောက်ကလေချွန်သံ လို အသံသဲ့သဲ့ တစ်ချက်ကြားရပြီး လေ ဟုတ်ခနဲ တချက်တိုက်လာသည် ကျောထဲတော့ စိမ့်ခနဲ ကျမလည်းကြောက်ကြောက်နဲ့နောက်ပြန်လှည့်ကြည့်လိုက်သည်

မထင်ရှားပေမယ့် လူစင်စစ်တစ်ယောက်လို ဖြူဖျော့ဖျော့ အသားအရေနဲ့ မျက်နှာအနေအထားက အတော်လေးကို အထက်တန်းလွှာကျတဲ့ပုံမျိုး

'' သမီး မေး မေး စရာရှိလို့ပါအန်တီ ''

ကျမ ပြောလိုက်တော့သူက ခေါင်းတချက်ညိမ့်ပြသည်

''သမီး ညီမလေး ဘယ်လိုသေသွားလည်းဆိုတာ အန်တီသိလားဟင် ''

''အင်း သိတယ် အဲ့ဒါလေးကြောင့် ''

သူ့အသံကတကယ့်ကိုတိုးတိုးလေး ကျမ လက်ထဲက စာရွက်လေးကို လက်ညိုးထိုးပြရင်း

''သူ့လက်ထဲ က လိုက်လုကြရင်း ပြုတ်ကျသွားတာ ''

''ဘယ်သူတွေ ကလုတာလည်း ဟင်''

သိချင်ဇောဖြင့် လောပြီးမေးလိုက်တယ် အဲ့ဒီ့မိန်းမ ကရှေ့ကိုတဖြည်းဖြည်းတိုးလ်ာတယ် သူက ကျမနားထိရောက်တော့ အောက်ထပ်ကိုလှမ်းကြည့်ပြီး ဒေါ်ခင်မြရင်ရှိတဲ့နေရာ ကို လက်ညိုးထိုးပြတယ်

''သမီး အန်တီ အချိန်မရတော့ဘူးသွားရတော့မယ် သူတို့အန်တီ့ကို လာခေါ်နေကြပြီ ''

''ရှင် ဘယ်သူတွေလည်း အန်တီ ''

စကားပြောနေရင်းနဲ့သူမ အရောင်တွေတဖြည်းဖြည်းဖျော့ လာပြီး ကျွန်မရှေ့ကနေပျောက်ကွယ်သွား တော့တယ်

တခုခုကိုတော့ အတိအကျ သိရပြီ သေချာအောင်လုပ်ဖို့ပဲကျန်တော့တယ်

ကျမအခန်းထဲကိုပြန်လာတဲ့အချိန် လေးလေးဆီကဖုန်းဝင်လာပြန်တယ်

'' သမီးရေလေးလေးပြောစရာရှိလို့ မနက်လေးလေး ဆီလာခဲ့ပါလား ''

''ဟုတ်လေးလေး ''

ပြောပြီးဖုန်းချမယ် ရှိသေး နောက်ထပ်ဖုန်းတလုံးဝင်လာပြန်သည်

'' ညီမရေ အကုန်စုံစမ်းခဲ့ပြီ ပြန်လာရင် ညနက်မှာပဲမို့ မနက်မှပြန်လာပြီးပြောတော့မယ်''

''ဟုတ်ပြီလေ အကို တော်ဝင်ဟိုတယ်ကို လာခဲ့ပါလား ညီမ ဦးလေးနဲ့လည်းချိန်းထားလို့ ''

''ok လေ ''

မနက်ရောက်ရင် ပြသာနာတခု ကို အဖြေရှာနိုင်တော့မှာအို့ အတွေးတွေနဲ့ အိပ်ပျော်သွားတော့သည် မအိပ်ဖြစ်တဲ့ နေ့တွေလည်းများနေပြီမဟုတ်လား

::::::::

မနက်နေတော်တော်မြင့်မှအိပ်ရာနိုးတော့သည် အိပ်ရာထပြင်ဆင်ပြီး မနက်စာမစားဘဲ အပြင်ထွက်မယ်အလုပ်

ထမင်းစား ခန်းမှာ ဒယ်ဒီနဲ့ အန်တီ မနက်စာစားနေကြတယ်

''သမီး မနက်စာ စားလေ ''

''မစားတော့ဘူး ဒယ်ဒီ လေးလေးနဲ့စားဖို့ ချိန်းထားတယ် ''

''ဒယ်ဒီက အိမ်မှာ မိန်းမနဲ့မျက်နှာ ချင်းဆိုင် စားနေရပေမယ့်လေးလေးကတစ်ယောက်ထဲလေ သမီးအတွက်ဆွေမျိုးအရင်းအချာ ဆိုတာကလည်း လေးလေးပဲရှိတော့တာ ''

''အန်တီ အန်တီကတော့တစ်ကောင်ကြွက်မို့ ဂရုစိုက်စရာဆွေမျိုးမရှိဘူးနော် အန်တီ့မောင်နှမတွေ ဘာတွေရောမရှိတော့ဘူးလား ''

ကျမရဲ့စကားကိုကြားတော့ မိထွေးသာမက ဒေါ်ခင်မြရင်ပါ သိသိသာသာကြီးအမူအရာတွေပျက်နေကြပြီ သိတယ်လေ ကြိုသိပြီးသား သေချာသွားအောင် အတည်ပြု လိုက်တာ

ကျမ ဟိုတယ်ရောက်တော့ လေးလေးကရောက်နှင့်နေပြီ

'' လာ သမီး '' ''ခနလေး လေးလေးခန နေမှပြောရအောင် နောက်ထပ်လာမယ့်လူရှိသေးတယ် ''

''ဘယ်သူလည်းသမီး '' ''ဒီအမှု ကိုကိုင်တဲ့လူပါ သူ့ကိုစုံစမ်းခိုင်းထားတဲ့အရေးကြီး ကိစ္စရှိလို့

ဟော ဟိုမှာသူလာပြီ ''

''ရောက်နေတာ ကြာပြီလား ''

''မကြာသေးပါဘူး ဒါကျမ ဦးလေး ''

''စုံစမ်းထားတာလေးပြောပါအုံး ''

''ထူးဆန်းတယ်ဗျ ညီမ မိထွေးရဲ့ အမက ဒေါ်ခင်မြရင်ပဲ ''

''အင်း ကျမ ထင်ထားတဲ့အတိုင်းပဲ ညီမ နှစ်ယောက်က အစ ကတည်းက အကြံကြီးနဲ့ ဒီအိမ်ထဲဝင်ခဲ့တာပဲ ''

''ဒါဆို လေးလေးပြောမယ့်စကားနဲ့ လည်းပတ်သတ်နေအုံးမယ် လေးလေးမနေ့ က ဒီမြို့ထဲမှာ သူငယ်ချင်းဆရာဝန်နဲ့တွေ့ တော့ တိုက်တိုက်ဆိုင်ဆိုင် သူက သမီးအမေရဲ့ ဒေါက်တာဖြစ်နေတယ် သူကပြောတာတော့ သမီးအမေရောဂါ က ပျောက်တော့မယ်လို့ လုံးဝ ထင်နေခဲ့တာတဲ့ ရုတ်တရက်ကြီးသေသွား တော့ အရမ်းကိုအံ့သြနေခဲ့တာတဲ့လေ ''

''လေးလေး အထင် ဒီမိန်းမကြီးရဲ့လက်ချက် ဖြစ်နိုင်တယ်ဆိုတာသေချာသလောက်ရှိနေပြီ ပိုခိုင်လုံသွားတာက သမီးမိထွေးရဲ့ အမ ဖြစ်နေတာပဲ ''

''မေမေ ရော ထားရော သူတို့ကြောင့်သေခဲ့ရတာပေါ့ ''

''တရားစွဲဖို့သာပြင်ထားပေတော့သမီး လေးလေးကူညီမယ် ထားရဲ့ကိစ္စအမှန်ပေါ်ရင် သမီး အမေကိစ္စလည်း အလိုလိုပေါ်လာမှာပဲ ''

''ခက်တာက သမီးတို့မှာခိုင်လုံတဲ့ သက်သေမရှိတာပဲ မျက်မြင်သက်သေတောင်မရှိဘူးလေ ''

''သူတို့ကိုယ်တိုင် ဝန်ခံလာရင်တော့တမျိုးပေါ့ ညီမအနေနဲ့ သူတို့ဝန်ခံလာအောင်လုပ်ရမယ် ''

''ဘယ်လို လုပ်ရမလဲဆိုတော့ ************''

''ok လေ ''

''လေးလေး သမီးနဲ့လိုက်မှာမလား ''

အဲ့လိုနဲ့ ကျမနဲ့ဦးလေးတို့ အမှုမှန်ပေါ်ပေါက်ဖို့အတွက်အားထုတ်ရတော့တာပေါ့

ညနေdinner ရှိတာမို့ကိစ္စတွေကို စောစောစီးစီးပဲ အပြတ်ဖြတ်ဖို့စီစဉ်ရတော့မည် အိမ်မှာကတော့ အလုပ်သမားများ ရှိနေကြသည်

အိမ်ထဲကို လေးလေးနဲ့ အတူဝင်လာတဲ့ကျ မကို ဒယ်ဒီစိုက်ကြည့်နေတယ် ကျမနဲ့ အတူပါလာတဲ့ကောင်လေးတစ်ယောက်

''ဘာတွေ လဲဖြိုး ''

''ဒီက ကလေးက ထား ဘာဖြစ်ခဲ့လည်းဆိုတာမြင်ခဲ့တာပါဒယ်ဒီ ပြောရင်မျက်မြင်သက်သေပေါ့ မောင်လေးပြောပြလိုက်ဘာမှမကြောက်နဲ့ ''

ကျမပြောနေတဲ့ အချိန်မှာ သူတို့ နှစ်ယောက်လုံးမျက်စိ မျက်နှာပျက်နေကြပြီ
ကောင်လေးက ကျမ ဒယ်ဒီကို တစ်ချက်ကြည့်ပြီး

''အဲ့ဒီ့ အန်တီက တွန်းချလိုက်တာသားမြင်တယ် ပြီးတော့သူလည်းပါတယ်''

''ဘာ ဘာ မဟုတ်ဘူး ဘာတွေပြောနေတာလည်း အခုကျမကိုစွပ်စွဲနေတာလား ''

''ဟုတ်တယ်လေ အန်တီသူ့ လက်ထဲက ဘာလည်းမသိဘူး လိုက်လု ပြီးတွန်းချလိုက်တာလေ ''

''မဟုတ်ဘူး မဟုတ်ဘူး ငါတွန်းချတာမဟုတ်ဘူး သူ့ဟာသူပြုတ်ကျတာ နင်မြင်တယ်ဆို ငါတွန်းချတာမှ မဟုတ်တာ ငါသူ့လက်ထဲက စာရွက်ကိုပြန်လိုချင်ရုံပါ သူကနောက်ဆုတ်ဆုတ်သွားတော့ ခြေချော်ပြီး သူ့ပြုတ်ကျတာ''''

အရူးတစ်ယောက်လိုသွေးရူးသွေးတန်းအော်ရင်း ကျမကို တချက်ကြည့်ပြီး

''နင် နင် အဲ့ဒါနင့်ကြောင့် ငါကနင့်ကိုသတ်မှာ သိလား နင်သေမှ ရှိသမျှ အမွေ ထား ပိုင်မှာ နင့် ကြောင့် နင့်ကြောင့် နင့်ကိုသတ်ဖို့ရည်ရွယ်ထားတာ နင့်အမေသေသလိုနင်သေရမှာ ''

''ဖြန်းးးးးးးးးး''

ဒယ်ဒီရိုက်လိုက်တဲ့ အသံ

''ဘာ နင်က နင့်လောဘတွေကြောင့် ကိုယ့်သားသမီးကိုတောင်ပြန်သတ်ပြီး ငါ့သမီး ထိတောင်ကြံစည်ရဲ တယ်ပေါ့ ငါ့မိန်းမသေရတာလည်းမင်းကြောင့်ပေါ့ မိန်းမယုတ်''

ဒယ်ဒီကပြောလည်းပြောနောက်ထပ်ရိုက်မယ်အလုပ် ကျမတို့ကြိုတင်ဇာတ်တိုက်ထားတဲ့အတိုင်း

''ဦးမင်းခေါင် ခင်ဗျ တရားဥပဒေ အရပဲဖြေရှင်းရအောင်ဗျာ ''

''ကဲ ခင်ဗျားတို့နှစ်ယောက်ကို မထားထားဦးကို သတ်တာ ထင်ရှားတဲ့အတွက်ဖမ်းဆီး လိုက်ပါပြီ ကျနော်နဲ့စခန်းကို လိုက်ခဲ့ပါ ''

''ကဲ မဖြိုးဖြိုးဦး ခင်ဗျ အခုလိုပူးပေါင်းပါဝင်တာ ကျေးဇူးတင်ပါတယ် တရားရုံးမှာထပ်တွေ့ကြတာပေါ့''

''ဟုတ် ကဲ့ပါ ''

''ဒယ်ဒီ ခုနကပြောတာ ဘာစကားလည်း ဘယ်သူက ကိုယ့်သားသမီးကို သတ်တာလည်း ဘယ်သူက ဘယ်သူ့သမီးလည်း ထား ထားက ''

''ဟုတ်တယ်ဖြိုး ထားက သူ့သမီးပဲ ဒယ်ဒီနဲ့သူနဲ့ရတဲ့သမီး ''

''ရှင် ဒယ်ဒီဘာပြောတာလည်း ''

''သမီး ငါးနှစ်သမီးတုန်းက ဒယ်ဒီအဲ့မိန်းမနဲ့ဖောက်ပြန်ပြီး ကလေးမွေးခဲ့တယ် အဲ့ဒါသမီးအမေသိတော့ အိပ်ရာထဲဘုန်းဘုန်းလဲခဲ့တယ် နောက်တော့ ဒယ်ဒီနဲ့ အမွေတခါတည်းခွဲပြီး သူပိုင်တဲ့ဒယ်ဒီ့စည်းစိမ်တဝက်ကို သမီး ကိုပေးဖို့ သဘောတူထားခဲ့တာ ဒယ်ဒီ့အနေနဲ့လည်းသမီးကိုပဲပေးဖို့ရည်ရွယ်ထားတာ

သူတို့အထင်မှာ သမီးသေရင် သမီးပိုင်သမျှ ဟာတွေအားလုံး ထား အတွက်ဖြစ်ရမှာ လို့တွေးပြီး လုပ်ကြတာပဲ ဒါကို ထားသိသွားလားမသိဘူးလား မသိဘူး ကြားထဲက ဘာမှမသိတဲ့ကလေးက သူ့တို့လောဘတွေကြားထဲမြေစာပင်ဖြစ်ခဲ့ရတာပါလား ''

''ဒယ်ဒီလည်း မှားခဲ့တယ် အစ ကတည်းက ထား အတွက်စဉ်းစားပေးခဲ့ရင် သူတို့ဒီလိုလုပ်မှာ မဟုတ်ဘူး ''

''မဟုတ်ဘူး သမီး သူတို့လောဘတွေက နဲနဲလောက်နဲ့မလုံလောက်ဘူးခွဲပေးရုံလောက်နဲ့မရဘူး အကုန်လုံးက်ိုလိုချင်တာ ဒါကြောင့်သမီးကိုသတ်ဖို့လုပ်တာ သမီးမရှိတော့မှ ထား ကဒါတွေကို ပိုင်မှာ ထားပိုင်မှလည်း သူတို့ပိုင်သလိုဖြစ်မှာ လေ''

လေးလေးပြောတဲ့စကားတွေဟာ ကျမရင်ကို မအေးမြစေခဲ့ပါ အဖြစ်မှန်ကိုသိရမှ ပိုပြီးရင်ထဲမှာပူလောင်လာရပါသည်

လူကြီးတွေရဲ့ လောဘတွေကြား ဘာမှမသိရှာတဲ့ထားတယောက် မြေစာပင်ဖြစ်ခဲ့ရပါသည်
မိထွေးနဲ့သူ့အမလည်း ထိုက်သင့်တဲ့အပြစ်ဒဏ်များကိုခံစားနေရလေပြီ

ကျွန်မရထားတဲ့အမွေ တွေလည်း ကျွန်မအတွက်အားမဖြစ်စေတော့ပါ ဒါကြောင့် ကျွန်မရတဲ့အမွေတွေအားလုံးထဲက ထားရဲ့ရပိုင်ခွင့်တွေအကုန်လုံးကို သူ့အတွက်ရည်စူးပြီး အလှူအတန်းများပြု လုပ်ပေးခဲ့ပါသည်

ထားတစ်ယောက်သာဓု ခေါ်နိုင်ပါစေ^^^^^^^^^^^